السلام عليكم ایک حدیث بیان کی جاتی ہے نبی پاک صلی اللہ علیہ وسلم نے فرمایا که جو اپنے بیٹا کا نام محمّد یا احمد رکھے گا اوس کے سارے گناہ معاف ہوجاے گے حدیث سہی ہے یا زعیف ہے رہنمائی کر دیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وَعَلَيْكُمُ السَّلاَمُ وَرَحْمَةُ اللهِ وَبَرَكَاتُهُ
آپکی بیان کردہ حدیث یوں ہے :
سیدنا ابو امامہ باہلی رضی اللہ عنہ سے منسوب ہے کہ رسول اللہ ﷺ نے فرمایا:
مَنْ وُلِدَ لَهُ مَوْلُودٌ فَسَمَّاهُ مُحَمَّدًا تَبَرُّكًا بِهِ كَانَ هُوَ وَمَوْلُودُهُ فِي الْجَنَّةِ.
"جس نے اپنے پیدا ہونے والے بچے کا نام تبرکاً محمد رکھا، وہ اور اس کا بچہ دونوں جنتی ہوں گے۔"
- (فضائل التسمیة لابن بکیر: ۳۰ ، مشیخة قاضي المارستان: ۴۵۳)
- موضوع (من گھڑت) : یہ جھوٹی روایت ہے۔ اسے تراشنے والا حامد بن حماد بن مبارک عسکری ہے، جیسا کہ حافظ ذہبی رحمہ اللہ کہتے ہیں: المتهم بوضعهٖ حامد بن حماد العسکري.
"اس حدیث کو گھڑنے کا الزام حامد بن حماد عسکری کے سر ہے۔"
(تلخیص کتاب الموضوعات: ص ۳۵)
- حافظ ابن الجوزی رحمہ اللہ نے اسے موضوعات (۱۵۷/۱) میں ذکر کیا ہے۔
- حافظ ذہبی رحمہ اللہ نے "موضوع" (من گھڑت) کہا ہے۔
- حافظ سیوطی(اللآلي المصنوعة : ۱۰۶/۱) کااس جھوٹی روایت کی سند کو"حسن" کہناانتہائی تساہل ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یقیناً اسم محمد صلی اللہ علیہ وآلہ وسلم بہت ہی پیارا نام ہے اور جس ذات کا یہ نام تھا وہ اللہ کے سب سے محبوب پیغمبر تھے، لیکن اسکے باوجود اسم محمد کی فضیلت و برکت کسی بھی صحیح حدیث سے ثابت نہیں ۔ محمد نام کی فضیلت اور فوائد و برکات کے متعلق جتنی بھی احادیث وارد ہوئی ہیں، وہ ساری کی ساری جھوٹی ہیں ۔
اور بعض علما کا کہنا ہے کہ محمد نام کی فضیلت میں کوئی حدیث صحیح نہیں ، بلکہ اس بارے میں بیان کی جانے والی ساری روایات من گھڑت ہے۔"
دیکھیے : إنسان العیون في سیرۃ الأمین المأمون ، المعروف به السیرۃ الحلبیّة: ۱۲۱/۱
فقط واللہ تعالیٰ اعلم بالصواب
ALQURAN O HADITHS♥➤WITH MRS. ANSARI
اِنْ اُرِیْدُ اِلَّا الْاِصْلَاح مَا اسْتَطَعْتُ وَمَا تَوْفِیْقِیْ اِلَّا بِاللّٰہِ
وَصَلَّی اللّٰہُ عَلٰی نَبِیَّنَا مُحَمَّدٍ وَآلِہ وَصَحْبِہ وَسَلَّمَوعلى آله وأصحابه وأتباعه بإحسان إلى يوم الدين۔
ھٰذٙا مٙا عِنْدِی وٙاللہُ تٙعٙالیٰ اٙعْلٙمْ بِالصّٙوٙاب
Post a Comment