Janwaro ki tasweer wale kapre pehnana kesa ha

 

السلام علیکم

آجکل کپڑوں پر مختلف طرح کے جانوروں، پرندوں اور حشرات کی تصاویر ہوتی ہیں

ان کو پہننا کیسا ہے اور کیا اسے پہن کر نماز ہو جاتی ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وَعَلَيْكُمُ السَّلاَمُ وَرَحْمَةُ اللهِ وَبَرَكَاتُهُ

جن کپڑوں پر ذی روح کی تصاویر موجود ہوں انہیں استعمال کرنا حرام ہے ۔ کیونکہ جس کپڑے پر تصویریں تھیں اسے نبی ﷺ نے پھاڑ دیا تھا۔

دیکھئے صحیح بخاری (2479) و صحیح مسلم (2107)

سیدہ فاطمہ رضی اللہ عنہا نے ایک دفعہ رسول اللہ ﷺ کی دعوت کی تو آپ ان کے پاس تشریف لے گئے۔ پھر وہاں ایک پردہ لٹکا ہوا دیکھ کر واپس چلے گئے۔

(مسند احمد 5/ 220، 221ح 21922 وسندہ حسن، سنن ابی داود: 3755 وصححہ ابن حبان مختصراً: 6320 والحاکم 1/ 186 ح 2758 ووافقہ الذہبی، نیزد یکھئے صحیح بخاری: 2613)

ایک اور روایت میں ہے کہ :

سیدنا ابو مسعود عقبہ بن عمرو الانصاری رضی اللہ عنہ نے اس گھر میں دعوت کھانے سے انکار کر دیا تھا جہاں تصویر لگی ہوئی تھی۔ دیکھئے السنن الکبریٰ للبیہقی

(7/368 وسندہ حسن وصححہ الحافظ ابن حجر فی فتح الباری 9/ 249 قبل ح 5181)

فتاوی کمیٹی اس بارے میں کہتی ہے

جاندار مخلوق کی تصاویر والے کپڑے پہننا نماز اور غیر نماز دونوں حالتوں میں حرام ہیں۔ کیونکہ نبی کریم نے تصاویر بنانے سے منع فرمایا ہے،اور انہیں مٹانے کا حکم دیا ہے۔ حدیث نبوی ہے کہ آپ نے سیدہ کے گھر تصاویر والا پردہ دیکھا تو اسے پھاڑ دیا اور فرمایا۔ «إن أصحاب الصور يعذبون يوم القيامة ويقال أحيوا ما خلقتم» تصاویر بنانے والوں کو قیامت کے دن عذاب دیا جائے گا اور ان سے کہا جائے گا کہ ان تصاویر کو زندہ کرو۔ حدیث نبوی ہےکہ آپ نے سیدنا علی کو حکم دیا۔ «لا تدع صورة إلا طمستها» ہر تصویر کو مٹا دو۔ باقی رہا تصاویر والے کپڑوں میں نماز کا مسئلہ تو اس میں اہل علم کا اختلاف پایا جاتا ہے، لیکن راجح موقف یہی ہے کہ ایسے کپڑوں میں نماز ہو جائے گی ،اورکپڑے پہننے والا علم ہونے پر گناہ گار ہوگا۔ کیونکہ ایسے کپڑے استعمال کرنے کی حرمت مطلقا وارد ہے، نماز کے ساتھ خاص نہیں ہے۔ ایسے کپڑے ہر حال میں پہننا حرام ہیں۔۔ اور اگر ان کی شکل بگاڑ دی جائے، جیسا کہ آپ نے سوال میں ذکر کیا ہے، تو انہیں پہننے کی حرمت زائل ہو جائے گی جیسا کہ اوپر سیدنا علی کی حدیث سے معلوم ہوتا ہے۔

ھذا ما عندی واللہ أعلم بالصواب فتوی کمیٹی

ALQURAN O HADITHS♥➤WITH MRS. ANSARI

اِنْ اُرِیْدُ اِلَّا الْاِصْلَاح مَا اسْتَطَعْتُ وَمَا تَوْفِیْقِیْ اِلَّا بِاللّٰہِ

وَصَلَّی اللّٰہُ عَلٰی نَبِیَّنَا مُحَمَّدٍ وَآلِہ وَصَحْبِہ وَسَلَّمَ
وعلى آله وأصحابه وأتباعه بإحسان إلى يوم الدين۔

ھٰذٙا مٙا عِنْدِی وٙاللہُ تٙعٙالیٰ اٙعْلٙمْ بِالصّٙوٙاب