Mrs.Ansari (Kenya )

 WELCOME TO THE WINTER 

نبی کریم ﷺ نے فرمایا

موسم سرد کو مرحبا ہو کہ اس میں رحمتیں نازل ہوتی ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلا شبہ موسم سرما عبادات کے لحاظ سے اللہ تعالیٰ کی بڑی نعمت ہے ، موسم سرما نبی علیہ السلام کے نزدیک پسندیدہ ثابت ہے ۔

نبی رحمت صلی اللہ علیہ وسلم نے فرمایا :

الغنیمۃ الباردۃ الصوم فی الشتاء

{سنن الترمذی : 797 الصوم ، مسند احمد :4/335 بروایت عامر بن سعود }

ٹھنڈی {بڑی آسان } غنیمت یہ ہے کہ سردی کے موسم میں روزہ رکھا جائے ۔

اسکی وجوہات یہ ہیں کہ موسم سرما کی راتیں طویل ہوتی ہیں جو قیام اللیل اور تہجد کے لئے مناسب ہیں ، یعنی کوئی شخص رات میں دیر تک جاگنے کے بعد تہجد کے وقت میں نماز کے لیے باآسانی جاگ سکتا ہے ۔

اسی طرح موسم سرما میں دن مختصر ہوتا ہے اور موسم ٹھنڈا رہتا ہے جو روزے دار کے لیے اللہ کی بڑی نعمت ہے ، کیونکہ انسان کو بھوک و پیاس کا احساس کم ہوتا ہے ، اور روزہ آسانی سے برداشے ہو جاتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تاہم آپکی مطلوبہ حدیث کو نبی علیہ السلام سے منسوب کرنا درست نہیں ، کیونکہ یہ ایک صحابی کا عمل ہے ۔ ہر عام شخص کی طرح اللہ تعالی کے بہت سے نیک بندے بھی موسم سرما کی آمد پر خوش ہوتے تھے ، چنانچہ حضرت عبد اللہ بن مسعود رضی اللہ عنہ موسم سرما کی آمد پر فرماتے :

سردی کو خوش آمدید ، اس موسم میں برکتیں نازل ہوتی ہیں ، اس طرح کہ تہجد کے لئے رات طویل ہوجاتی ہے اور روزہ رکھنے کے لئے دن چھوٹا ہوجاتا ہے ۔

ایک اور بزرگ حضرت عبید بن عمیر رحمہ اللہ موسم سرما کی آمد پر فرماتے : اے اھل قرآن تلاوت قرآن کے لئے رات لمبی ہو گئی ہے اورر وزہ رکھنے کیلئے دن چھوٹا ہوگیا ہے لہذا اس موسم میں دن کو روزہ اور رات میں تہجد کا خصوصی اہتمام کرو۔

{لطائف المعارف / از : ابن رجب الحنبلی رحمہ اللہ/ 453}

فقط واللہ تعالیٰ اعلم

 

 

اِنْ اُرِیْدُ اِلَّا الْاِصْلَاح مٙا اسْتَطَعْتُ وَمَا تَوْفِیْقِیْ اِلَّا بِاللّٰہِ 

وَصَلَّی اللّٰہُ عَلٰی نَبِیَّنَا مُحَمَّدٍ وَآلِہ وَصَحْبِہ وَسَلَّمَ وعلى آله وأصحابه وأتباعه بإحسان إلى يوم الدين۔ 

ھٰذٙا مٙا عِنْدِی وٙاللہُ تٙعٙالیٰ اٙعْلٙمْ بِالصّٙوٙاب

وٙالسَّـــــــلاَمُ عَلَيــْــكُم وَرَحْمَةُ اللهِ وَبَرَكـَـاتُه‎