حدیث قدسی کیا ہوتی ہے

 

حدیث قدسی کیا ہوتی ہے دوسری حدیث اور حدیث قدسی میں کیا فرق ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وَعَلَيْكُمُ السَّلاَمُ وَرَحْمَةُ اللهِ وَبَرَكَاتُهُ

(اصطلاح میں) "حدیث سے مراد ہر وہ خبر ہے جو رسول اللہ صلی اللہ علیہ وسلم سے منسوب کی گئی ہو۔"یعنی حدیث سے مراد ہر وہ خبر ہے جو رسول اللہ صلی اللہ علیہ وسلم کے قول، فعل، یا تقریر پر مبنی ہو"۔

نوعیت کے اعتبار سے حدیث کی تین قسمیں ہیں۔

1۔ حدیث قولی

2۔ حدیث فعلی

3۔ حدیث تقریری

①’’قولی حدیث‘‘ یہ ہے کہ جناب نبی کریمؐ نے کوئی بات ارشاد فرمائی اور کسی صحابیؓ نے وہ بات سن کر آگے روایت کر دی کہ میں نے حضورؐ سے یہ بات یوں سنی ہے۔

②’’فعلی حدیث‘‘ کا معنٰی یہ ہے کہ حضورؐ نے فرمایا تو کچھ نہیں لیکن کسی صحابیؓ نے جناب نبی کریمؐ کو کوئی کام کرتے دیکھا اور آگے روایت کر دیا کہ میں نے حضورؐ کو فلاں کام یوں کرتے دیکھا۔

③’’تقریری حدیث‘‘ یہ ہے کہ حضورؐ نے خود نہ کچھ فرمایا اور نہ کوئی عمل کیا، لیکن کسی صحابیؓ نے کوئی بات کہی یا کوئی عمل کیا جو رسول اللہؐ کے علم میں آیا، اس پر حضورؐ نے خاموشی اختیار فرمائی۔ خاموشی کا معنٰی یہ ہے کہ حضورؐ نےمنع نہ فرما کر صحابیؓ کے اس قول یا عمل کی تصدیق کر دی۔

محدثین کی اصطلاح میں حدیث قدسی‘‘ اسے کہتے ہیں کہ جناب نبی کریمؐ اللہ تعالیٰ سے روایت فرمائیں کہ اللہ تعالیٰ نے یوں فرمایا۔ یعنی ان احادیث میں حضورؐ راوی ہیں۔

جیسے ایک حدیث قدسی ہے

عن ابی ہریرۃ رضی اللّٰہ عنہ عن النبی صلی اللّٰہ علیہ وسلم قال قال اللّٰہ تعالیٰ کذبنی ابن ادم ولم یکن لہ ذلک وشتمنی ولم یکن لہ ذلک أما تکذیبہ ایای فقولہ لن یعیدنی کما بدأنی ولیس اول الخلق بأھوی علی من اعادتہ واما شتمہ ایای فقولہ اتخذ اللّٰہ ولداً وانا الاحد الصمد لم الد ولم اولد ولم یکن لی کفواً احد او کما قال صلی اللّٰہ علیہ وسلم۔ (رواہ البخاری)

ترجمہ: حضرت ابوھریرہؓ سے روایت ہے کہ نبی کریم صلی اللہ علیہ وسلم نے فرمایا اللہ تعالیٰ کا ارشاد ہے کہ آدم کے بیٹے نے مجھے جھٹلا دیا جو اس کے لیے مناسب نہیں ہے اور آدم کے بیٹےنے مجھے گالی دی ہے جو اس کے لیے مناسب نہیں ہے، اس کا جھٹلانا یہ ہے کہ وہ کہتا ہے کہ میں اسے مرنے کے بعد دوبارہ نہیں اٹھاؤں گا اور اس کا مجھے گالی دینا یہ ہے کہ وہ کہتا ہے کہ اللہ تعالیٰ نے بیٹا بنا لیا ہے حالانکہ میں اکیلا ہوں نہ میں کسی سے پیدا ہوا اور نہ مجھ سے کوئی پیدا ہوا۔

فقط واللہ تعالیٰ اعلم

ALQURAN O HADITHS♥➤WITH MRS. ANSARI

اِنْ اُرِیْدُ اِلَّا الْاِصْلَاح مَا اسْتَطَعْتُ وَمَا تَوْفِیْقِیْ اِلَّا بِاللّٰہِ

وَصَلَّی اللّٰہُ عَلٰی نَبِیَّنَا مُحَمَّدٍ وَآلِہ وَصَحْبِہ وَسَلَّمَ وعلى آله وأصحابه وأتباعه بإحسان إلى يوم الدين۔

ھٰذٙا مٙا عِنْدِی وٙاللہُ تٙعٙالیٰ اٙعْلٙمْ بِالصّٙوٙاب